#現代詩#台語詩#白話字 阿母的話

詩文板 {{ articleMoment(createdAt) }}

阿母的話 A-bú ê ōe 自細漢的時 阿母佇我身軀邊 Chū sè-hàn ê sî,a-bú tī góa sin-khu-piⁿ 陪我𨑨迌 陪我讀冊 Pôe góa chhit-thô,pôe góa tha̍k-chheh 溫暖的手 攑起規家伙 Un-loán ê chhiú,gia̍h khí kui-ke-hé 為著淡薄生活玲瑯踅 Ūi tio̍h tām-po̍h seng-oa̍h lin-long-se̍h 大漢了後 就欲來去都市拍拚 Tōa-hàn liáu-āu,to̍h beh lâi-khì to͘-chhī phah-piàⁿ 請免煩惱 請莫毋甘 Chhiáⁿ bián hoân-ló,chhiáⁿ mài m̄-kam 我有我的路 嘛會轉來佮你相逢 Góa ū góa ê lō͘,mā ē tńg--lâi kap lí siong-hông 阿母的話 你敢有聽？ A-bú ê ōe,lí kám ū thiaⁿ? 問你食飽未 問你會冷袂 Mn̄g lí chia̍h-pá bōe,mn̄g lí ē léng bē 阿母的話 你敢有斟酌？ A-bú ê ōe,líkám ū chim-chiok? 就愛保重身體 毋通傷風 To̍h ài pó-tiōng sin-thé,m̄-thang siong-hong 阿母的話 你敢有囥咧心底？ A-bú ê ōe,lí kám ū khǹg teh sim té? 世事歹控制 日子平安過 Sè-sū pháiⁿ khòng-chè,li̍t-chí pêng-an kòe 我想欲寫一張批 Góa siūⁿ-beh siá chi̍t-tiuⁿ phoe 想欲寫出心內話 Siūⁿ-beh siá-chhut sim-lāi-ōe 所有的感謝 所有的心情 Só͘-ū ê kám-siā,só͘-ū ê sim-chiâⁿ 所有講袂出的話 Só͘-ū kóng bē chhut ê ōe 你予我勇氣 面對生活無常 Lí hō͘ góa ióng-khì,bīn-tùi seng-oa̍h bû-siông 我是你勇敢的囡仔 Góa sī lí ióng-kám ê gín-á